Logo Armos icon viber icon whatsapp icon telegram
Մենյու
Goodyear Welt

Լավագույն կոշիկներ ամբողջ աշխարհում

Նորաոճ և ժամանակակից յուրաքանչյուր տղամարդու զգեստապահարանում կարևոր ու բաղկացուցիչ մաս են կազմում «Goodyear welt» կարվածքով ձեռագործ կոշիկները: Սրանք այն կոշիկներն են, որոնց միջոցով տարբերվում են իսկական ջենտլմենները:

Video

Ե՞րբ և ո՞վ է հայտնագործել

Goodyear Welt տեխնոլոգիան համարվում է աշխարհի ամենահին և լավագույն կոշիկի տեխնոլոգիան: «Goodyear welt» տեխնոլոգիայի կիրառումը առաջացել է միջնադարում, հետևաբար, սարքավորումների բացակայության պայմաններում կոշիկները կարվել են բացառապես ձեռագործ աշխատանքի արդյունքում: Համապատասխան սարքավորումներն ի հայտ են եկել XIX դարի վերջում:
Տեխնոլոգիայի հիմնադիրն է եղել Չարլզ Գուդիեր կրտսերը, որը հեղափոխություն կատարեց կոշկագործության ասպարեզում և որի պատվին հետագայում կարվածքային այս տեսակն անվանվեց «Goodyear welt»:
Նոր տեխնոլոգիայի կիրառումը սկզբում հեշտացնում էր աշխատանքն ու կրճատում էր ժամանակը:

Չարլզ Գուդիեր կրտսեր

Չարլզ Գուդիեր կրտսեր

Այնուհետև, առաջին համաշխարհային պատերազմի տարիներին կարվածքային այս տեսակն առավել կատարելագործվեց անգլիացիների կողմից, ինչի արդյունքում բարձրացավ նաև այս դասի կոշիկների ինքնարժեքը: Կարվածքի այս տեսակը վստահաբար կարելի է անվանել անգլիական ավանդական կարվածք, որը համարվում է բրիտանացիների հարուստ ժառանգությունը:

Goodyear Welt

Կառուցվածք

Պատրաստման համար անհրաժեշտ են կառուցվածքային չորս էլեմենտ.

  • վերնամաս
  • ներբան
  • կոշկատակ
  • ռանտ

«Goodyear welt» կառուցվածքը կրող կոշիկների հիմնական և տարբերակիչ առանձնահատկությունը ռանտն (զարդեզրակար) է: Կաշվե բարակ շերտը մեկ կարով միանում է արտաքին ներբանին, իսկ մյուսով կոշիկի վերնամասին և միջին ներբանին:

Ինչպե՞ս տարբերել Goodyear Welt կոշիկներն այլ կոշիկներից

Նայեք կոշիկին վերևից, եթե Դուք տեսնում եք, որ կոշիկի վերնամասն ու տակացուն գրեթե նույն հարթության վրա են, այսինքն տակացուն նկատելի կերպով չի առանձնանում և չեն երևում կարերը, հետևաբար խոսքը գնում է սոսնձման մեթոդով պատրաստված կոշիկի մասին: Իսկ այն դեպքում, երբ տակացուն զգալի կերպով դուրս է լինում և ունենում կարեր, ուրեմն մենք գործ ունենք իրական Goodyear Welt տեխնոլոգիայով կարված կոշիկի հետ:
«Goodyear welt» տեխնոլոգիայով պատրաստված բարձրակարգ կոշիկները դուրս են ցանկացած մրցակցությունից, շնորհիվ իրենց երկարակեցության, որակի և հարմարավետության:

Goodyear Welt
ARMOS Contact:
Adress: Հյուսիսային պ. 5, Երևան, Հայաստան 0023 Yerevan,
Tel:+374 (12) 52-54-75, E-mail: info@armo-group.com